Awake! Akatulong ed Impanalo na Premyo ed Italya

Nen katantaon sakey a samploy-taon ya eskuelan bii ed Italya so nansulat na sakey ya essay ed teman “If the Earth Could Talk.” Say tema so tinibukel a singa tongtongan ed baetan na dalin tan sakey ya ugaw a nantepet ed dalin no akin ya onaakis. Isalaysay na eskuelan bii:

“Inmebat so dalin a sikatoy adutakan na lpaud asewek ya amawala ed epekto na greenhouse. Nantultuloy ya akitongtong so dalin ed ugaw tan inkuanto a diad asingger la saray bengatla so nasalatan tan magmaliw a magmaong so arapen, anggaman ed too. Say ilalo na dalin so walad Makapanyarin-amin a Dios, say Amalsa to, ya ag-amalsa ed dalin ya andi-kakanaan noagta pian panayaman.​—Isaias 45:18.”

Intuloy ya inkuan na eskuelan bii: “Inalak so impormasyon manlapud Awake! iran magasin a Hulyo 22, 1989, Setyembre 8, 1989; tan Setyembre 22, 1989. Lapud sarayan magasin, say temak so manunan analo. Say komaduan premyo so naawat na sakey ed saray kaeskuelak a say ina to et rota ed magasin na nanay ko. Sikato met so angala na impormasyon ed parehon Awake! iran magasin.

“Misalamat ak ed sayan maabig tan susto tan ontan met simplen impormasyon a manggawa ed sikamin makabat. Say premyon apanaloan ko so mankantidad a 100,000 liras [ngalngalin $100, E.U.], tan ipawit ko iyan kuarta ta pian usaren yo ed pangimprinta na dakel nin magasin.”

Liknaen mi ya antokaman so relihyoson pimumuyongan yo, sikayo met so nagunggunaan manlapud sayan makapasagyat iran artikulo ed Awake!

Labay kon amtaen no panon a nawaalan na magasin ya Awake! a nipawit ed ayaman ko. (Mansulat ed address ed leksab parad impormasyon. Diad paway na Pilipinas, mansulat ed lokal a sanga na Watch Tower parad impormasyon. Nengnengen so pahina 2.)