Ilalo Parad Saray Inosentin Biktima

SAMAN so sakey ed makapadimlan krimen a ginaway too​—say ritual a panangibagat ed ugugaw. Arum so agmanisian satan a makapabaing ya agamil so agawa. Balet sayan pakatandaan na panagdayew na saray taga Phoenicia so pinekderan ed dakel a nalmoan na saray arkeologo.

Saray anak na dederlengen a pamilya so imbagat ed apuy ed saratan a dirios a singa di Tanit tan Baal-Hammon. Diad Carthage, saray ugugaw nin biktima so pinoolan bilang bagat ed sakey a gansan istatua nen Kronos. Inkuan nen Diodorus Siculus, sakey a manag-awaran ed inmunan siglo K.K.P., a saray kanayon na ugaw so agnaabuloyan ya onakis. Anganko et diad panisian saray lua na pannangis so mamabawas ed kablian na bagat.

Walay peryodo na panaon a sakey a mipadparan ritual so agawa ed kadaanan a Tophet ya asingger ed Jerusalem. Saray managdayew ditan so nansasayaw tan pinatugtog daray tamburin pian agnarengel so akis na ugaw ya ibabantak ed manliub ya eges nen Molech.​—Jeremias 7:31.

Alay sanok nen Jehova ed anggapoy-puson mantelek-telekan ed kaiirapan na arum. (Ipareng so Uliran 21:13.) Bilang Dios a mangipapanengneng na panangabagey ed ugugaw, maseguron ipilaktip nen Jehova iratan ya inosentin biktima ed “kioli ed bilay na saray matunong tan ag matunong.”​—Gawa 24:15; Exodo 22:22-24.