“Panon Mi Kasin Naliing Iray Parokya Mi?”

SATAN a tepet, ya agano nin intepet na Pranses a magasin na Katoliko a Famille Chrétienne (Kristianon Pamilya), so agla pankelawan na dakel. Tinawag ni ingen nen Cardinal Hume iray parokya na simbaan a “nauugip iran alan.” Niproponi lan manpulong iray grupon misiglaotan ed parokya ed arum pian napatunda so pakayepyep. “Say direktan panag-ebanghelyo a walaan na saray balon metodo,” so impanawag na Italyanon pari ed satan. Anggaman agano nin impaseseg na papa so ontan iran panbulon, aliwan amin so onabobon a kaukolay panginabang ed pananisia ra.

Sanen agano nin binmisita si Pigi Perini, sakey a pari diad Milan, inkuan na sakey a madre ed sikato: “Wadia ak la ed loob na 40 taon, et ayarian kon agbalot intongtong so ngaran nen Jesus ta pian agnaderal so kultura ed Aprika.” Sinampotan na pari: “Agmi la sasalitaen so nipaakar ed si Jesus, agmi la inanabang so nipaakar ed si Jesus, agmi la ipupulong so ebanghelyo!” Balet, parad dakel, say panagpulong so importanti ed bilay da tan sakey a paraan ed pansiansian aliing ed espiritual. Inako nen Pigi Perini: “No makaabet ka na duaran too a mangitotongtong nipaakar ed Kristo dia ed tindaan, odino akawit na Biblia, tan ikuan mo ed inkasika: Tastasi nen Jehova iraya!”

Minilyon a totoo so magayagan mitotongtong ed Tastasi nen Jehova nipaakar ed Salitay Dios. Maseguron inyuksoy na Tastasi so pitongtong da nipaakar ed Biblia ed lugar mo. Singa ed inmunan siglo, manpapasesegan irayan maseseg a Kristiano ya inabang ed arum so pananisia ra. Saray pantitiponan da (tinawag a Kingdom Hall) so paspasen na ampetang a liknaan tan pankakaaro. Akin ya ag-onatendi ed sakey ed saray miting ya inyuksoy na Tastasi nen Jehova tan imatonan mo no panon mon labanan so panteglep ed espiritual?