Nipawil Iray Singsing ed Gamegamet Da

“NENGNENG moray gamet ko. Wala ta’y duman naimanom?” Impanengneng na sakey a laki so lima to ed sakey a bii, sakey ed Tastasi nen Jehova, a diad impakanengneng to et naimano ton tampol ya anggapo lay wedding ring to. Insalaysay ton aglara makapanpakna a sanasawa, kanian denesidi ran sikara lay mandiborsio. “Aleg!” inkuan na Tasi. “Alam iyan libro tan basam. Tulongan to ka ed panamaley mo.” Insan sikatoy inikdan to na kopya na nibase’d Biblia a libron Pikakabat a Mangitonton ed Andi-Anggaan a Bilay.a

Pigaran agew ed saginonor et malikeliket a linma so laki ed Tasi. Impanengneng to ed sikato so lima to. Akasulong lay singsing to. Imbaga to’d sikato a binasa ran sanasawa so libron Pikakabat tan natan et sikara lay malikeliket. Talagan say libro so angipawil na saray singsing ed gamegamet da.

Say konseho na Biblia so makatulong ed asawan laki tan asawan bii a mangipanengneng na puron panangaro ed balang sakey. Peteg ya ontan lapud say autor na Biblia et anggapoy arum noagta say Manamalsa tayo, ya angikuan: “Siak si Jehova a Dios mo, ya angibangat ed sika na nipaakar ed nabang mo, a mangitonton ed sika ed dalan a laen mo komon.”​—Isaias 48:17.

[Paimano ed leksab]