EBAT ED SARAY TEPET ED BIBLIA

Akin a si Jesus et atawag ya Anak na Dios?

Say Dios et aliwan singa too ya kaukolan nin mangasawa pian nawalaan na ananak. Sikatoy Amalsa ed amin a mabilay. Pinalsa to ray totoo a walaan na abilidad a mangalig ed saray kualidad to. Kanian say inmunan too ya pinalsa na Dios, a si Adan et atawag ya “anak na Dios.” Si Jesus met et atawag ya “Anak na Dios” lapud sikatoy pinalsa a walaan na saray kualidad a singa say Ama to.—Basaen so Lucas 3:38; Juan 1:14, 49.

Kapigan pinalsa si Jesus?

Pinalsa na Dios si Jesus sakbay nen Adan. Diad katuaan to, pinalsa na Dios si Jesus insan to inusar pian gawaen so amin a bengatla, pati saray anghel. Satan so rason no a akin a nabasad Biblia a si Jesus et “say panguloan na amin a pinalsa” na Dios.—Basaen so Colosas 1:15, 16.

Sakbay ya nianak si Jesus diad dalin ed Betlehem, sikatoy walad tawen bilang sakey ya espiritu. Sanen asabi lay panaon, sikatoy inyalis na Dios ed eges nen Maria pian nianak a too.—Basaen so Lucas 1:30-32; Juan 6:38; 8:23.

Akin ya impaiyanak na Dios si Jesus ed dalin bilang too? Antoy importantin gawaen tod dalin? Naamtaan moy ebat ed saratan a tepet diad Biblia, tan mas lalon natalosan mo tan naapresyam so ginawa na Dios tan nen Jesus parad sika.