Antoy Nagawa ed Arapen?

Sayan publikasyon et ag-ilalako. Itatarya iya bilang kabiangan na sankamundoan a kimey ya panagbangat ed Biblia a susuportaan na boluntaryon donasyon. No labay moy mandonasyon, onlad www.jw.org/pag. Saray teksto et inala ed Balon Mundo a Patalos na Masanton Kasulatan puera labat no sananey a bersion so akaiyan.

SAYAN MAGASIN a Say Panag-bantayan et mamapagalang ed si Jehova a Dios, say Manuley ed uniberso. Liligliwaen na saya so totoo ed maong a balita a magano lan panampoten na Panarian na Dios so amin a kaugsan tan pagmaliwen ton paraiso so dalin. Ontulong iya pian nawalaan tayoy pananisia ed si Jesu-Kristo, ya inatey pian makapambilay tayo ya andi-anggaan tan sikatoy manuuley la natan bilang Ari ed Panarian na Dios. Sayan magasin so tuloytuloy ya im-publish manlapu la nen 1879 tan aliwan makapolitika. Say autoridad ya tutumboken na saya et say Biblia.