Saray Karga

Aralen ed unonan artikulo iray rason no akin ya nayarin mairap tayon amtaen iray tuan impormasyon. Pantongtongan tayo met iray prinsipyo ed Biblia ya makatulong ed sikatayon napaaligwas so abilidad tayon amtaen no kasin tua odino andi iray impormasyon ya naaawat tayo. Aralen tayo ed komaduan artikulo iray taloran maslak a mangiimpluensya ed totoo diad panhuhusga rad arum base ed no antoy nanenengneng da. Insan tayo pantongtongan no panon tayon tratoen so arum ya anggapoy panangidumaduma.

Pinalsa nen Jehova so too ya manbilay a maabig tan maliket. No diad inagew-agew ya gagawaen mo et nanenengneng mon makakapitulongan ka ed pakakasumpal na saray gagala nen Jehova, seguradon magmaliw kan maliket. Aralen ed sayan artikulo iray bendisyon no magmaliw itayon maiter ed nanduruman paraan.