Saray Pakabat

◼ Opresin literatura parad Marso: Say libron Pikakabat so iyopresi tan panggunaetan so pakapangigapo na saray panangiyaral na Biblia. Abril tan Mayo: Indibidual iran kopya na Say Panag-Bantayan tan Awake! Diad panagpawil, nayarin iyopresi na saray manangipalapag ya itulor a regular iray magasin, tekep na kalat a nigapo so panangiyaral na Biblia. Hunyo: Iyopresi so libron Pikakabat odino brosyur a Kakaukolanen. No saray unabung so walaan la na sarayan publikasyon, iyopresi so brosyur a Nayarian Yoy Magmaliw a Kaaro na Dios!

◼ Onggapo ed Abril, saray manangasikaso na sirkito so mangiter ed publikon paliwawa ya apauloan na “No Panon a Saray Tuan Kristiano so Mamarakep ed Madibinon Bangat” sano ombibisita ed saray kongregasyon.

◼ Saray manangipalapag a manpirawat a man-auxiliary payunir ed Abril tan Mayo so nepeg a manplano la natan tan iter dan masakbay iray aplikasyon da. Saya so ontulong ed saray mamatakken a manggawa na nakakaukolan iran uksoyan ed lawak na serbisyo tan ed pakawalaan na magenap iran magasin tan arum a literatura ya usaren da. Kaukolan ya iyanunsio ed kongregasyon so kangaranan na saraman so naaprobaan bilang auxiliary payunir.

◼ Babasaen ed Biblia ed Memoryal: Amin so papasesegen a manbasa ed nisuherin kabiangan na Biblia unong ya aka-eskedyul ed 2002 Calendar tan ed Usisaen so Kasulatan ya Inagew-agew, ya onggapo ed Marso 23 tan manampot ed agew na Memoryal, Marso 28.

◼ Balon Publikasyon a Wala: (Imanoen: Nayari lan ipawit iray pedido ya onggapo ed Marso 15, 2002; ipangasin agmanpepedido antis na satan a petsa.) Minabang Manlapud Edukasyon na Teokratikon Eskuelaan Parad Ministeryo​—Bicol, Cebuano, Hiligaynon, Iloko, Ingles, Pangasinan, Samar-Leyte, Tagalog

◼ Balon Videocassette a Wala: Faithful Under Trials​—Jehovah’s Witnesses in the Soviet Union​—Ingles