Saray Pakabat

◼ Opresin literatura diad Hulyo tan Agosto: Dinanman ed saray brosyur so nayarin iyopresi, balet nagkalalo lan ipapaseseg mi so pangibunog ed onggendan ya apatiran brosyur no walad lenguahe yo: Libron Parad Amin a Totoo; Nayarian Moy Magmaliw a Kaaro na Dios!; A Satisfying Life​—How to Attain It; Antoy Nagagawa ed Sikatayo Sano Inatey Itayo? Setyembre: Life​—How Did It Get Here? By Evolution or by Creation? Oktubre: Sansakey iran kopya na Say Panag-Bantayan tan Awake! Diad panagpawil, saray manangipalapag so nayarin mangiyopresin mangitulor ed saray magasin a regular, tekep na kalat a nigapo so panangiyaral na Biblia.

◼ Diad Sabado, Agosto 31, 2002, wala so inkalapagan a panaglinis diad Ayaman a Bethel ed Quezon City, kanian say opisina so sarado ed satan a kabuasan tan anggapo so panagpasyar diad saray pasilidad ed satan ya agew. Sarado met so literature reception ed satan a kabuasan.

◼ Onggapo ed simba na Setyembre 16, 2002, aralen tayo so Isaiah’s Prophecy​—Light for All Mankind II diad Panagaral na Kongregasyon ed Libro. Say materyal parad panagaral so ipalapag ed saray paway na Say Panag-Bantayan ed Bicol, Pangasinan, tan Samar-Leyte.

◼ Balon Videocassette a Wala:

Transfusion Alternative Health Care​—Meeting Patient Needs and Rights​—Ingles (Paimano: Sayan video so mangokonsidera no panon so pangasikaso ed medikal iran pankaukolan na saray pasyente bangta bibidbiren met so legal iran kanepegan da. Ipapanengneng met na satan no panon a say ag-uusaran na dala iran paraan ed panag-opera et ekonomiko. Saray managsulat ed medikal, health officials, tan saray social worker so nagunggonaan diad pambantay ed satan. Saya so video ya atukoy ed pahina 22, parapo 1 na 2002 a Yearbook.)