Saray Pakabat

◼ Opresin literatura parad Agosto: Anggan dinan a brosyur so nayarin iyopresi. Setyembre: Life​—How Did It Get Here? By Evolution or by Creation? No ag-awaten na saray unabung so iyoopresin libro, iparungtal so brosyur a Mantultuloy a Manbantay! Oktubre: Mangiyopresi na sansakey a kopya na Say Panag-Bantayan tan Awake! No walay angipanengneng na interes, ipangasin iparungtal so brosyur a Kakaukolanen. Nobyembre: Iyopresi so libron Manaral Manlapud Sankamaongan a Managbangat. No ibaga na saray unabung ya anggapoy anak da, iyopresi so libron Pikakabat odino say tract a Labay Moy Makaaral nin Maong Diad Biblia?

◼ Say mangidadaulon manangasikaso odino siopaman a pabtangan to so kaukolan a man-audit ed saray kuenta na kongregasyon no Setyembre 1 odino tampol kayari na satan. Iyanunsio itan ed kongregasyon sano agawaan la.

◼ Kaukolan a gawaen so tinaon a pan-imbentaryo ed amin a walan literatura tan magasin no Agosto 31, 2005, odino antis ni na satan. Sayan imbentaryo so mipara ed binulan a pamibilang na manangasikaso na literatura, tan saray dagup so kaukolan ya ilista ed porma a Literature Inventory (S-18). Say dagup a bilang na saray walan magasin so nepeg ya alaen ed (saray) manangasikaso na magasin. Say sekretaryo ed mikokoordena a kongregasyon so kaukolan a mangasikaso ed panag-imbentaryo. Sikato tan say mangidadaulon manangasikaso ed mikokoordena a kongregasyon so manpirma ed porma. Kada mikokoordenan kongregasyon so makaawat na taloran porma a Literature Inventory (S-18) a katekep so statement ed Hunyo. Ipangasin ipawit so orihinal diad sangan opisina ya ag-onlampas ed Setyembre 6. Mangisimpen na sakey a kopya. Say komatlon kopya so nayarin usaren a listaan.

◼ Katekep na statement ed Hunyo, kada kongregasyon so makaawat na duaran kopya na Congregation Analysis Report (S-10). Nepeg a susto tan malinis a sulatan na sekretaryo na kongregasyon iyan porma, insan kayari na satan et kaukolan a repasoen itan a maong na komite na serbisyo. Diad beneg na sayan porma et kaukolan ya ilista so amin a regular payunir, pati say dagup ya oras da ed serbisyon taon. Kaukolan ya ipawit so orihinal a kopya na sayan porma diad sangan opisina ya ag-onlampas ed Setyembre 6. Isimpen so sakey a kopya.

◼ Saray order parad Usisaen so Kasulatan ya Inagew-agew​—2006 tan say 2006 Calendar so kaukolan ya ipawit la natan diad sangan opisina. Mangipawit kami na special order blank parad saraya katekep na statement ed Hunyo. No pigaran kongregasyon so manguusar ed saksakey a Kingdom Hall, saray order na kada kongregasyon so pankasakeyen na literature coordinator ed sakey ya order blank insan to ipawit diad sangan opisina ya ag-onlampas ed Agosto 15, 2005.

◼ Balon DVD a naala:

Young People Ask: What Will I Do With My Life?​—Ingles