Saray Pakabat

◼ Say opresin literatura parad Hulyo tan Agosto: Nayarin iyopresi so dinanman a brosyur. Setyembre: Iyopresi so libron Ibabangat na Biblia. Nepeg a panggunaetan so pangigapo na panangiyaral na Biblia diad unonan pitongtong. Nepeg a pawilen so amin ya apalimaan tekep na gagalan makapangigapo na panangiyaral na Biblia. Oktubre: Iyopresi iray kopya na Say Panag-Bantayan tan Awake! No walay interesado, iparungtal ed sikato so brosyur a Mantultuloy a Manbantay! ta pian lalon nabayuboan so interes to ed Biblia.

◼ No Sabado, Agosto 26, 2006, wala so nagawan panaglinis diad loob na Ayaman a Bethel ed Quezon City, kanian sarado ed kabuasan so opisina tan anggapo so tour ed satan ya agew. Sarado met so panag-alaan na literatura ed saman a kabuasan.

◼ Onggapo ed primeron simba na Setyembre, say ipaliwawa na saray manangasikaso na sirkito parad publiko et walaan na teman “Napanliketan Yo so Kareenan Natan​—tan Diad Andi-anggaan!” sano bisitaen da iray kongregasyon.

◼ Kaukolan a gawaen so tinaon a panag-imbentaryo ed amin a literatura tan magasin a walad simpenan no Agosto 31, 2006 odino antis na satan no posible. Sayan panag-imbentaryo so mipadpara ed aktual a panagbilang na literature coordinator a binulan ton gagawaen, tan nepeg ya isulat ed form a Literature Inventory (S-18) so kompleton bilang. Kaukolan ya alaen ed (saray) mangaasikaso na magasin so kompleton bilang na saray magasin a walad simpenan. Satan a panag-imbentaryo so nepeg ya asikasoen na sekretaryo na kongregasyon a manproproseso (coordinating congregation). Sikato tan say mangidadaulon manangasikaso na kongregasyon a manproproseso so manpirma ed form. Say kada kongregasyon a manproproseso so makaawat na taloran form a Literature Inventory katekep so kuenta ed Hunyo. Ipangasin ipawit ed sangan opisina so orihinal a kopya no Setyembre 6. Mangitilak kayo na sakey a kopya ya isimpen yo. Say komatlon kopya so nayarin usaren bilang listaan.

◼ Balon Compact Disc a Naala:

Watchtower Library​—2005 diad CD-ROM​—Ingles