Saray Pakabat

◼ Opresin literatura parad Pebrero: Iyopresi so libron Onapit ed si Jehova. No anggapoy suplay yo, nayarin iyopresi so libron Pikakabat odino anggan dinan a daan a publikasyon. Marso: Manunan ipresenta so libron Ibabangat na Biblia insan pansagpotan so pangigapo na panangiyaral na Biblia. Abril tan Mayo: Iyopresi so Say Panag-Bantayan tan Awake! Sano pawilen iray interesado, pati saramay inmatendi ed Memoryal ya agni aktibon mililimog ed kongregasyon, panggunaetan ya opresian ira na libron Ibabangat na Biblia, diad gagalan naiyaralan ira na Biblia.

◼ Say paulo na espisyal a paliwawa parad publiko no Simba, Abril 15, 2007 et “Nalikna Yoy Kaligenan ed Sayan Magulon Mundo!” Bilang panonot, gawaen na saray kongregasyon a bisitaen na manangasikaso na sirkito odino man-asamblea ed satan a sampot-simba so espisyal a paliwawa no Abril 22, 2007. Saray kongregasyon a say aral da et aliwan diad agew na Simba so makapangiyeskedyul ed espisyal a paliwawa legan na Abril 16-21, 2007.

◼ Say sekretaryo tan manangasikaso na serbisyo so nepeg a manrepaso ed kimey na amin a regular payunir diad pantapos na Pebrero. No walaray naiirapan a makaabot ed kakaukolanen ya oras, nepeg ya iyuksoy na saray mamatatken so panulong ed sikara pian nadampot da so tinaon a kakaukolanen kasabi na Agosto 31, 2007.

◼ Say mangidadaulon manangasikaso odino siopaman a turoen to so nepeg a man-audit ed saray kuenta na kongregasyon no Marso 1 odino tampol kayari na satan no posible. Sano agawaan la iya, iyanunsio itan ed kongregasyon kabansag na pangibasa ed ontumbok a report na kuenta tan ed sulat na sangan opisina a pisasalamat ed naawat a donasyon.

◼ No Simba, Pebrero 18, 2007, kasumpal na Panagaral ed Panag-Bantayan, wala so pimiting ed amin na saramay plano da so man-auxiliary payunir ed saray bulan na Marso, Abril, tan Mayo. Say manangasikaso na serbisyo so mangidaulo ed sayan miting, a seguroen ton walay magenap ya Applications for Auxiliary Pioneer Service a nibunog ed amin ya inmatendi ed satan a miting.