Saray Pakabat
◼ Opresin literatura parad Hulyo tan Agosto: Anggan dinan ed saray brosyur so nayarin iyopresi, balet, maabig no naynay a mangawit na brosyur a Kakaukolanen pian nawalaan na pankanawnawan makapangigapo na saray panangiyaral na Biblia. Setyembre: Anto so Peteg ya Ibabangat na Biblia? Panggunaetan so makapangigapo na saray panangiyaral na Biblia ed unonan pitongtong. Sano walaan la na sayan libro iray unabung, ipanengneng no panon iran nagunggonaan ed satan diad antikey a pangidemostra ed panagaral na Biblia. Oktubre: Saray magasin a Say Panag-Bantayan tan Awake! No akaromog na interesado, iparungtal tan isingbat so tract a Labay Moy Makaaral nin Maong Diad Biblia?, a say kalat et nigapo so panangiyaral na Biblia.
◼ No Sabado, Agosto 25, 2007, wala so nagawan panaglinis diad Ayaman a Bethel ed Quezon City, kanian kapot ed satan a kabuasan so opisina tan anggapo so tour ed satan ya agew. Kapot met so panag-alaan na literatura ed satan a kabuasan.
◼ Lapud walay limaran Simba tan Sabado na Setyembre, maabig itan a bulan parad pan-auxiliary payunir.
◼ Onggapo ed primeron simba na Setyembre, ipaliwawa na saray manangasikaso na sirkito so teman “Siopa so Onkualipika ya Onloob ed Balon Mundo na Dios?”
◼ Kaukolan a gawaen so tinaon a panag-imbentaryo ed amin a literatura tan magasin a walad simpenan no Agosto 31, 2007 odino antis na satan no posible. Sayan panag-imbentaryo so mipadpara ed aktual a panagbilang a binulan a gagawaen na literature coordinator tan nepeg ya isulat ed form a Literature Inventory (S-18) so kompleton bilang. Kaukolan ya alaen ed (saray) mangaasikaso na magasin so kompleton bilang na saray magasin a walad simpenan. Satan a panag-imbentaryo so nepeg ya asikasoen na sekretaryo na kongregasyon a manproproseso (coordinating congregation). Sikato tan say mangidadaulon manangasikaso na kongregasyon a manproproseso so manpirma ed form. Say kada kongregasyon a manproproseso so makaawat na taloran form a Literature Inventory katekep na sulat parad Hunyo. Ipangasin ipawit ed sangan opisina so orihinal a kopya ya ag-onlampas ed Setyembre 6, 2007. Mangitilak kayo na kopya ya isimpen yo. Say komatlon kopya so nayarin usaren bilang listaan.
◼ Balon Compact Disc a Naala:
Watchtower Library—2006 Edition on CD-ROM