Saray Pakabat

◼ Opresin literatura ed Abril tan Mayo: Publikon edisyon na Say Panag-Bantayan katekep na Awake! Sano pawilen iray interesado, nonoten lawas so pangigapo na panangiyaral na Biblia ya usaren so libron Ibabangat na Biblia. Hunyo: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia. Hulyo tan Agosto: Nayarin iyopresi so dinanman a brosyur.

◼ Magano lan onsabi ed sangan opisina iray tomo na 2007 Watchtower tan Awake! tan nayari la natan ya orderen iraya. Tandaan a saraya et special request items tan nepeg ya orderen labat no walay espisipikon order na saray manangipalapag. No sarayan tomo et agni akasabi ed sangan opisina balet ta naawat mi la iray order yo, nipaimano iratan bilang “back-ordered” tan saray tomo so ipawit a tampol no sinmabi la iratan.

◼ Kaukolan a saray sekretaryo na kongregasyon so mangisimpen na magenap a suplay na saray porman Application for Regular Pioneer Service (S-205) tan Application for Auxiliary Pioneer Service (S-205b). Nayari irayan orderen panamegley na Literature Request Form (S-14). Mangisimpen na sakey taon a suplay.

◼ Kaukolan na sangan opisina so pamasiansia na susto iran rekord na address tan saray numero na telepono na amin a mangidadaulon manangasikaso tan saray sekretaryo. No wala so pananguman, kaukolan a say Komite na Serbisyo na Kongregasyon so mangompleto, manpirma, tan tampol a mangipawit ed porman Presiding Overseer/Secretary Change of Address (S-29) diad sangan opisina. Laktipen na saya so dinanman iran pananguman ed saray area code na telepono.

◼ No plano yoy manbiahe tan onatendi ed saray pantitipon na kongregasyon, asemblea, odino distriton kombension ed sananey a bansa, say ikerew yo na impormasyon nipaakar ed petsa, oras, tan saray lugar so nepeg ya isulat ed sangan opisina a mangaasikaso ed kimey ed satan a bansa. Saray address na sangan opisina so akalista ed unor a pahina na peles a Yearbook.