Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Pebrero 22, 2010. Ikondukta na manangasikaso na eskuelaan so 20-minuto a repaso a nibase ed materyal ya akobrian diad saray asainmin parad simba na Enero 4 ya anggad Pebrero 22, 2010.

1. Antoray makasengeg no akin ya impaleen na arum ya Israelita so impangala ra’d apag da diad Insipan a Dalin, tan anton leksion so naaralan tayo ed saya? (Jos. 18:2, 3) [it-1-E p. 359 par. 5]

2. Antoy maseguron amakiwas ed si Josue a mangibaga ed samay kombiksion to a walad Josue 24:14, 15, tan anto so epekto na satan ed sikatayo? [w08 5/15 p. 17-18 par. 4-6]

3. Akin et naingganyo tan apatitan iray Israelita ed paraan na panagdayew na saray Canaanita ed si Baal? (Uko. 2:3) [w08 2/15 p. 27 par. 2-3]

4. Anton leksion so naaralan tayo ed makpel ya impangusar nen Ehud ed espada to? (Uko. 3:16, 21) [w97 3/15 p. 31 par. 4]

5. Panon itayon napaseseg no aralen tayo so paraan na impangiliktar nen Jehova ed si Gideon tan ed 300 a sundalo to? (Uko. 7:19-22) [w05 7/15 p. 16 par. 8]

6. Panon a say kamarerwa nen Jehova et “sinmibeg nipaakar ed kairapan na Israel”? (Uko. 10:16) [cl p. 254-255 par. 10-11]

7. Sanen nansamba si Jefte, kasin nononoten to so pangibagat ed too? (Uko. 11:30, 31) [w05 1/15 p. 26 par. 1]

8. Kasin say pakapanyari nen Samson et walad buek to? (Uko. 16:18-20) [w05 3/15 p. 28 par. 5-6]

9. Panon a say pakatalos ed makapakelaw a ginawa nen Samsom ya adeskribe ed Uko-ukom 16:3 et makatulong ed sikatayo? [w04 10/15 p. 15-16 par. 7-8]

10. Nipaakar ed kamarerwa na too, antoy naaralan tayo ed Uko-ukom 16:30, NW? [w90 9/1 p. 5 par. 5; sp-E p. 13-14]