Saray Pakabat

◼ Opresin literatura ed Marso: Anto so Peteg ya Ibabangat na Biblia? Abril tan Mayo: Saray magasin a Panag-Bantayan tan Awake! Hunyo: Anto so Peteg ya Ibabangat na Biblia?

◼ Nepeg ya auditen na siopaman a tinuro na coordinator iray kuenta na kongregasyon parad saray bulan na Disyembre, Enero, tan Pebrero.

◼ Nagawa so Memoryal no Martes, Marso 30, 2010. Saray kanta ya usaren et kanta numero 8 tan 109 ed balon panagkantaan. No akaeskedyul so aral na kongregasyon yo ed satan ya agew, kaukolan a gawaen yo itan ed sananey ya agew diad satan lanlamang a simba. Balet no dakel a kongregasyon so manguusar ed Kingdom Hall tan agnayarin gawaen ed arum ya agew so pantitipon, nayarin kanselaen la itan. No walay parte ed Pantitipon Parad Panagserbi a kakkaukolan na kongregasyon yo, ilaktip itan ed ontumbok a Pantitipon Parad Panagserbi.

◼ Nayarin ikdan na kopya na Abril 1, 2010 a Panag-Bantayan iray interesadon inmatendi ed Memoryal lapud espisyal iyan isyu. Mangipawit so sangan opisina na kaaruman a suplay na sayan magasin tan ipila da iya ed regular ya order yo.