Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Pebrero 27, 2012. Akasulat iray petsa no kapigan aka-eskedyul ya pantongtongan so kada punto pian makapan-research sano manpaparaan parad eskuelaan kada simba.

1. Kasin susto so pangibagan pupugeran na panangasi nen Jehova so inkahustisya to? (Isa. 30:18) [Ene. 9, w02 3/1 p. 30]

2. Antoy naaralan tayod impakaekal nen Sebna bilang mayurdomo nen Ezekias? (Isa. 36:2, 3, 22) [Ene. 16, w07 1/15 p. 8 par. 6]

3. Antoy naaralan tayod salaysay a walad Isaias 37:1, 14-20 pian nalabanay pakakagonigon? [Ene. 16, w07 1/15 p. 9 par. 1-2]

4. Panon a napaseseg iray lingkor nen Jehova diad samay ilustrasyon a walad Isaias 40:31? [Ene. 23, w96 6/15 p. 10-11]

5. Diad Isaias 41:14, anto so imbaga nen Jehova a magano lan panangataki a makapaseseg ed sikatayo natan? [Ene. 23, w02 8/15 p. 27 par. 16]

6. Panon tayon nipanengneng ed si Jehova ya ‘uunoren tayo so inkatunong’? (Isa. 51:1) [Peb. 6, w03 1/15 p. 21 par. 2]

7. Siopa iramay “dakel” ya asalambit ed Isaias 53:12, tan antoy naaralan tayod si Jehova nipaakar ed pidedeneng tod arum? [Peb. 13, w03 2/15 p. 30 par. 34]

8. Anto so naeksperiensya na totoo nen Jehova legan na kaunoran iran agew ya simbolikon deneskribe ed Isaias 60:17? [Peb. 20, w03 6/1 p. 27 par. 22]

9. Antoy kabaliksan na “taon na pamalangkap [‘abig-linawa,’ NW]” ya inyabawag nen Jesus tan na saray papatumbok to? (Isa. 61:2) [Peb. 20, w03 6/15 p. 27 par. 7-8]

10. Anton makapadinayew a kualidad nen Jehova so nipabitar ed Isaias 63:9? [Peb. 27, w03 7/1 p. 19 par. 22-23]