Saray Pakabat

◼ Opresin literatura ed Marso: Anto so Peteg ya Ibabangat na Biblia? Abril tan Mayo: Saray magasin a Panag-bantayan tan Awake! Hunyo: Anto so Peteg ya Ibabangat na Biblia?

◼ Nagawa so Memoryal no Huebes, Abril 5, 2012. No say aral na kongregasyon yo et Huebes, kaukolan a gawaen yo itan ed sananey ya agew diad satan lanlamang a simba ya anggapoy mangusar ed Kingdom Hall. No aliwan posible itan, nayarin ilaktip ed ontumbok a Pantitipon Parad Panagserbi iray parte ya onaplika ed kongregasyon yo.

◼ Say duaran video na Young People Ask ya How Can I Make Real Friends? tan What Will I Do With My Life?, et pantongtongan diad onsublay iran Pantitipon Parad Panagserbi. No nakaukolan, man-order kayon tampol diad kongregasyon.

◼ No bilang plano yoy ompasyar ed arum a bansan anggapod listaan na saramay kaplesan a mangirereport parad tinaon a serbisyo odino agnaromog so address dad sampot ya pahina na kaplesan a Yearbook, ipangasin kontak yoy sangan opisina pian naseguro no anto ray nepeg yon panalwaran odino no anto ray instruksion a nepeg yon tumboken. Nayarin diad satan a bansa et wala ray restriksion ed kimey na Panarian. (Mat. 10:16) Wala ray bansan ag-ipapaseseg so pangontak ed saray Tasi odino kongregasyon ditan. Nayarin wala ray iter ed sikayon giya nipaakar ed impormal a panagtasi odino pangawit na saray literatura. No tumboken yo irayan giya, napaliisan yo ray problema tan agmet naapektoan so kimey parad Panarian ed bansan bisitaen yo.​—1 Cor. 14:33, 40.