Saray Pakabat

◼ Opresin literatura ed Oktubre: Saray magasin ya Panag-bantayan tan Awake! Sano ompawil, ipresenta so libron Ibabangat na Biblia odino say brosyur ya Ondengel ed Dios Pian Manbilay ya Andi-angga, tan salien ya igapoy panangiyaral na Biblia. Nobyembre tan Disyembre: Usaren so anggan dinan ed sarayan tract: Magano lan Manampot so Amin A Kairapan!, Pangayagaan so Bilay na Pamilya, Kasin Sayan Mundo So Niliktar?, odino say What Hope for Dead Loved Ones? No interesado so katongtong, salien ya igapo so panangiyaral na Biblia ya usaren so tract ya Kasin Labay Mon Naamtaan so Katuaan? odino say libron Ibabangat na Biblia. Enero tan Pebrero: Nayarin ipresenta so anggan dinan ed sarayan brosyur ya walay 32 a pahina: Peteg Kasin Manatalima so Dios ed Sikatayo?, What Is the Purpose of Life?, odino Nayarian Moy Magmaliw a Kaaro na Dios! No interesado so katongtong, salien mon igapo so panangiyaral na Biblia ya usaren so anggan dinan ed sarayan brosyur. Sano ompawil, ipaimano so libron Ibabangat na Biblia tan salien ya iletneg so regular ya panangiyaral na Biblia.

◼ Nayarin i-adjust so eskedyul ed pantitipon antis na distriton kombension pian narepaso iray simbawa tan panonot ed iyatendid kombension. Sakey bulan odino duara kayari na kombension yo, nayarin diad lokal iran pankaukolan et repasoen iray punto ed kombension ya akatulong ed saray manangipalapag diad ministeryo.

◼ Singa nibaga lad insert na Setyembre ya Ministeryo Tayo ed Panarian, ipangasin awiten diad pankombensionan iray keran imbitasyon pian nausar ed pampulong ya impormal odino iter ed sakey ed saray attendant.