Maabig Iran Report ed Serbisyo

Maliket itayo lamet a naamtaan so balon peak na saray manangipalapag nen Hunyo, walay 179,664 ya nanreport! Wala met so balon peak na bilang na amin ya regular payunir​—31,517. Saya et mas atagey na 7 porsiento nen say average na bilang na saray payunir nen imbeneg a taon. Say bilang na iyaaralan na Biblia et atagey nin siansia​—mas atagey na 18 porsiento nen say bilang na amin ya manangipalapag. Makapalikliket ya nanengneng iray pansasagpot pian mas dakel ni natulongan ya ontawag ed ngaran nen Jehova.​—Roma 10:13, 14.