Saray Pakabat

◼ Opresin literatura ed Pebrero: Nayarin iyopresi so anggan dinan ed sarayan 32-pahina ya brosyur: Peteg Kasin Manatalima So Dios Ed Sikatayo?, What Is the Purpose of Life? odino Nayarian Moy Magmaliw a Kaaro na Dios! No interesado so akatongtong, igapoy panangiyaral na Biblia ya usaren so anggan dinan ed sarayan brosyur. Sano ompawil, ipresenta so libron Ibabangat na Biblia tan salien ya igapoy panangiyaral na Biblia. Marso tan Abril: Saray magasin ya Panag-bantayan tan Onliing! Sano ompawil, ipresenta so libron Ibabangat na Biblia odino, no mas matukoy ed pankaukolan na householder, say brosyur ya Ondengel ed Dios Pian Manbilay ya Andi-angga, tan salien ya igapoy panangiyaral na Biblia. Mayo tan Hunyo: Nayarin iyopresi so anggan dinan ya tract: Siopa Kasi Si Jehova?, Siopan Peteg So Manguuley Ed Mundo?, Why You Can Trust the Bible, odino Kasin Labay Mon Naamtaan so Katuaan? No interesado so householder, salien ya igapo so panangiyaral na Biblia ya usaren so libron Ibabangat na Biblia odino say brosyur ya Ondengel ed Dios Pian Manbilay ya Andi-angga.

◼ No Simba, Pebrero 17, kayari na Panagaral na Panag-bantayan, walay antikey a miting parad amin ya manplaplanon man-auxiliary payunir ed Marso, Abril, tan Mayo. Say manangasikaso na serbisyo so mangidaulo ed sayan miting, seguroen ton magenap so application form ya ibunog.

◼ Say espisyal ya publikon paliwawa ed panaon na 2013 ya Memoryal et “Kasin Mangangga so Amin Diad Ipapatey?” Gawaen iya diad simba na Abril 1, 2013.

◼ Walay balon outline na paliwawa parad Memoryal tan kaukolan iyan usaren na amin ya manpaliwawa ed Memoryal manlapu lad 2013. Say title et “Pablim so Ginawa nen Kristo Parad Sika!”