Antoy Gawaen Mo No Holiday?

No holiday, dakel so wala labat ed abung, kanian balibali iyan panaon pian mibiang itayod ministeryo. Papasesegen iray kongregasyon ya manggaway espisyal iran uksoyan parad holiday witnessing. No atrasadon ombabangon iray totood teritorya yo no holiday, maabig no i-adjust so oras na pantitipon parad lawak na kimeyan. Nayarin ipakabat ed kongregasyon diad Pantitipon Parad Panagserbi so antokaman ya espisyal ya uksoyan parad holiday witnessing tan pasesegen ya mibiang iray agagi. Tua, nayarin say holiday et panaon na pampainawa odino pangasikasod personal iran bengatla. Balet anto kasi no mangigana tayo met na oras parad ministeryo? Seguradon nainawaan kad pibiang mod sagradon panaglingkor.​—Mat. 11:29, 30.