Maabig Iran Report ed Serbisyo

Anggan mabagyo nen Disyembre, makapaliket ta ag-asebseban so seseg na saray agagi. Walay balon sankatageyan a bilang ya 198,199 a manangipalapag, mas atagey itan na 4^% ed average nen katantaon tan mas atagey na 6^% no ikomparad Disyembre 2013. Sankatageyan met so bilang na nanreport ya 37,896 a regular payunir. Talagan sarayan payunir so manunaan ed panagpulong a kimey tayo tan ipapanengneng dan “akaparaan ira parad amin a maabig a gawa.”​—Tito 3:1.