Maabig Iran Report ed Serbisyo

Makapaliket so anemiran peak ed report na Pebrero! Wala la natay 199,123 ya manangipalapag, inmatagey iya na 4%. Wala met lay 38,174 ya regular payunir, 274,339 ya iyaaralan, tan 1,325,616 ya RV. Dakel so binin nitanem ta 155,788 ya libro tan video, tan 2,438,549 ya magasin so nipalima. Komon ta itultuloy tayon pawilen iray interesado tan tulongan iran magmaliw a disipulo legan a manasingger so anggaan.​—Mat. 28:19, 20.