Saray Pakabat

◼ Opresin literatura parad Setyembre tan Oktubre: Saray magasin a Panag-bantayan tan Onliing! Nobyembre tan Disyembre: Anto so Peteg ya Ibabangat na Biblia? o anggan dinan ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, tan Naandi ni Kasi Paniirap?

◼ Say espisyal ya publikon paliwawa diad 2016 ya panaoy Memoryal et nagawa ed simba na Marso 28. Say tema na paliwawa et ipaamta ed ontumbok iran bulan. Diad saray kongregasyon ya man-asemblea ed satan a simba odino bisitaen na manangasikaso na sirkito, say espisyal ya paliwawa et gawaen diad ontumbok a simba. Nepeg ya anggapoy nagawan espisyal a paliwawa antis na Marso 28.

◼ Lapud usaren so libron Aligen so Pananisia Ra diad Panagaral na Kongregasyon ed Biblia, ya onggapo no Oktubre 19, 2015, saray kongregasyon et nepeg a man-order ya tampol no aliwan magenap so stock da, pian amin ya onatendi et walay sarilin kopya da.