Marso 13-19

JEREMIAS 5-7

“Tinmunda Iran Manggawa na Linawa na Dios”: (10 min.)
- Jer 6:13-15—Impaamta nen Jeremias iray kasalanan na Israel (w88 4/1 14-15 ¶7-8)
- Jer 7:1-7—Sinali nen Jehova ya pakiwasen iran magbabawi (w88 4/1 15 ¶9-10)
- Jer 7:8-15—Say amta na Israel et ag-ira ukomen nen Jehova (jr 21 ¶12)
Pankotkot na Espiritual a Kayamanan: (8 min.)
- Jer 6:16—Antoy ipapaseseg nen Jehova ya gawaen na totoo to? (w05 11/1 24 ¶11)
- Jer 6:22, 23—Akin et nibagan “walay onsabin totoo a manlapud dalin ed amianen”? (w88 4/1 16 ¶15)
- Antoy naaralan kod babasaen ed Biblia diad sayan simba nipaakar ed si Jehova?
- Anto ran punto ed babasaen ed Biblia diad sayan simba so nausar ko ed ministeryo?
Panagbasa ed Biblia: (4 min. o mas antikey) Jer 5:26–6:5

Unonan Pitongtong: (2 min. o mas antikey) T-36—Iparaan so unabung parad ipawil.
Panagpawil: (4 min. o mas antikey) T-36—Pantongtongan so “Isipen Pa.” Imbitaan so too ya onatendi ed Memoryal.
Panagaral na Biblia: (6 min. o mas antikey) jl leksion 1—Imbitaan so too ya onatendi ed Memoryal.

Kansion 125
“Siopa Ray Manggagawa na Linawa nen Jehova Natan?—No Panon ya Usaren Itan”: (15 min.) Pantongtongan ed limaran minuto so artikulo. Kayari na satan, i-play tan pantongtongan so video ya mangipapanengneng no panon ya nayarin iyaral so leksion 8 na brosyur. Pasesegen so amin ya mangiyaaral na Biblia ya sinimba ran usaren iyan brosyur.
Panagaral na Kongregasyon ed Biblia: (30 min.) kr kap. 9 ¶16-21 tan kahon ya “No Panon ya Apakiwas na Duaran Tract so Duaran Puso ed Amazon” tan “Talaga Kasin Tua ed Sika so Panarian?”
Manrepaso tan Ibagay Aralen ed Ontumbok a Simba (3 min.)
Kansion 10 tan Pikakasi