Paaligwasen Iray Abilidad Tayod Ministeryo​—Epektibon Pangusar na Saray Tepet

NO AKIN YA IMPORTANTE: No “say kanonotan na puso na too et singa aralem a danum,” saray tepet et singa timba ya usaren pian naasol o napapaway itan. (Pro 20:5) Makatulong iray tepet pian ibiang iray dumerengel. Saray ebat ed tepet ya pinilin maong et nayarin mangiter na importantin impormasyon. Epektiboy impangusar nen Jesus ed saray tepet. Panon tayon naalig si Jesus?

NO PANON IYAN NAGAWAAN:

• Mangusar na saray punto-de-bistan tepet. Angusar si Jesus na saray tepet pian naamtaan toy nononoten tan nalilikna na saray disipulo to. (Mat 16:13-16; be 238 ¶4-6) Anto ran punto-de-bistan tepet so nayarin usaren mo?

• Mangusar na saray manangitonton ya tepet. Pian nipetek so kanonotan nen Pedro, angusar si Jesus na saray tepet tan angiter na saray posiblin ebat pian itonton si Pedro ed dugan konklusyon. (Mat 17:24-26) Anto ran manangitonton ya tepet so nayarin usaren mo pian nitonton moy arum ed dugan konklusyon?

• Komendaan moy katongtong mo. Nen “marundunong ya inmebat” so sakey ya eskriba, sikatoy kinomendaan nen Jesus. (Mar 12:34) Panon mon komendaan so katongtong mo ya inmebat ed tepet mo?

BANTAYAN SO UNONAN PARTE NA VIDEO YA GAWAEN SO KIMEY A GINAWA NEN JESUS​—MANBANGAT, INSAN EBATAN IRAYAN TEPET:

• Akin ya sayan alimbawa et nibagan aliwan dugan paraan na panagbangat, anggano duga iray impormasyon?

• Akin ya aliwan magenap ya ipaliwawa labat iray impormasyon?

BANTAYAN SO KOMADUAN PARTE NA VIDEO, INSAN EBATAN IRAYAN TEPET:

• Panon ya epektibon angusar na saray tepet so brother?

• Anto ni ray naalig tayo ed panagbangat to?