Maapit ya Tumboken Iray Bakat nen Kristo

Angipanengneng si Jesus na alimbawa ya aligen tayo, lalo la no nasusubok o napapasegsegang itayo. (1Pe 2:21-23) Anggaman ininsulto, sikatoy agbalot binmawi anggano maniirap. (Mar 15:29-32) Antoy tinmulong ed sikaton mansungdo? Sikatoy determinadon gawaen so linawa nen Jehova. (Jn 6:38) Nampokus met ed “liket a niiyan diad arapan to.”​—Heb 12:2.

Antoy reaksion tayo no aliwliway pantrato ed sikatayo lapud pananisia tayo? Saray tuan Kristiano et ‘agda babalesen na mauges so siopaman a nanggaway mauges ed sikara.’ (Rom 12:14, 17) No aligen tayoy impansungdo nen Kristo ed kairapan, maliket tayo ta aabobonan itayo na Dios.​—Mat 5:10-12; 1Pe 4:12-14.

BANTAYAN SO VIDEO YA SAY NGARAN NEN JEHOVA SO SANKAIMPORTANTIAN, INSAN EBATAN IRAYAN TEPET:

• Panon ya inusar nen sister Pötzingera ed sankaabigan ya paraan so panaon to legan ya walad bartolina?

• Anto ran kairapan so sinungdoan nen Brother tan Sister Pötzinger legan ya wala rad nanduruman concentration camp?

• Antoy akatulong ed sikaran mansungdo?