KAYAMANAN ED SALITA NA DIOS | EXODO 31-32

Ibatikan so Idolatriya

Saray Israelita et posiblin naimpluensyaan na saray Ehipsio ya mandayew ed idolo. Diad panaon tayo, nanduruma so klase na idolatriya tan say arum et agnahalatan tampol. Tua, ompan agtayo met mandadayew ed saray idolo, balet no aliwa lan interon pusoy panagdayew tayod si Jehova ta iyuuna tayo la ray sarilin panlabayan tayo, mipara lanlamang itan ed idolatriya.

Litrato: Saray membro na pamilya ya gagawaen day kimey odino labalabay dan gawaen. 1. Ama ya mano-overtime ed panka-karpentero to. 2. Anak ya manvi-video game. 3. Ina ya mansha-shopping.

Kasin walay gagawaen ko ya makakaamper lad panagdayew kod si Jehova, tan antoy gawaen ko pian aliwan saratan so prayuridad kod bilay?