KAYAMANAN ED SALITA NA DIOS | EXODO 33-34

Saray Balibalin Kualidad nen Jehova

Naamtaan tan atalosan nen Moises iray kualidad nen Jehova. Akatulong iman pian naanosan to ray Israelita. No amta tan aapresyaen tayo met iray kualidad nen Jehova, mas makatalos tan makasi tayod saray agagi.

“Mapangasi tan maabagey”: Imamalasakit tan aasikasoen nen Jehova iray lingkor to ta inaro to ra, singa ateng ya maas-asikaso ed ananak to
“Matantan ya manpasnok”: Maan-anos si Jehova ed saray lingkor to, pampapasensyaan to ra no nalingo ra tan iikdan to ray pankanawnawan manguman
“Abalbaleg ed matoor a panangaro”: Matoor si Jehova ed saray lingkor to, agbalot onsawan aroen ira

Litrato: Aaligen na Saray Tasi nen Jehova iray kualidad nen Jehova. 1. Binisita na duaran elder so sakey a pamilya tan papasesegen da ira panamegley na Biblia. 2. Liligliwaen na sakey a sister so sister ya onaakis.

TEPETAY SARILIM, ‘Panon kon naalig so malasakit tan inkamakasi nen Jehova?’