HUNYO 9-15

KAYAMANAN ED SALITA NA DIOS

Sanasawan Israelita ya maliket ya mamangan na simplin tinapay diad simplin abung da. — Maliket tan mareen ya mamangan na simplin naakan so sanasawan Israelita

1. Pansiansia Yoy Kareenan ed Relasyon Yon Sanasawa

(10 min.)

Kaukolay mansagpot pian napansiansia so kareenan, pero sulit itan (Pro 17:1; nengnengen so litrato)

Agla papabalegen iray melag ya isyu (Pro 17:9; g 10/14 p. 9)

Kontrol moy emosyon mo (Pro 17:14; w10 6/15 24 ¶19)

Mayaman ya sanasawa diad panaon na Biblia, akayurong ira tan dakdakel so naakan da pero aliwa ran maliket. Pareho iran akatalikepkep, tan ag-iimanoen na asawan bii so ibabaga na asawa to.

2. Saray Espiritual a Kayamanan

(10 min.)

Pro 17:24—Antoy labay ya ibaga na “saray mata na makulangkulang et liberliber anggad saray sampot na dalin”? (mwbr25.05—it-1 790 ¶2)

Ebat
Anto ran espiritual a kayamanan so labay yon inabang manlapud babasaen ed Biblia ed sayan simba?

Ebat

3. Panagbasa na Biblia

(4 min.) Pro 17:1-17 (th leksion 10)

MAGMALIW YA EPEKTIBO ED MINISTERYO

4. Pangigapo na Tongtongan

(3 min.) IMPORMAL YA PANAGPULONG. (lmd leksion 3 punto 5)

5. Pangigapo na Tongtongan

(4 min.) PANAGPULONG ED PUBLIKO. Iyopresi so panangiyaral na Biblia. (lmd leksion 6 punto 4)

6. Paliwawa

(5 min.) ijwbv artikulo 60—Tema: Antoy Labay ya Ibaga na Proverbio 17:17? (th leksion 13)

BILAY NA KRISTIANO

7. Paaligwasen Iray Ugali ya Mamawala na Maong ya Komunikasyon

(15 min.) Pantongtongan kaiba iray ondedengel.

Kaukolan so maong ya komunikasyon pian maliket so pamilya. No komportablen mantotongtong so pamilya, nagawaan da ray plano da tan makapantutulongan ira no mairap so situasyon. (Pro 15:22) Antoy gawaen mo pian komportable iray kapamilyam ya mangibaga na iisipen tan nalilikna da?

Kaukolan yoy maniiba. (De 6:6, 7) No saniiban mankimey so pamilya, saniiba ran miaral tan manpulong, tan saniiba ran manliliket, mas napaelet day aroan da tan mas mantiwala rad sakey tan sakey. Nawalaan met iray pankanawnawa ya relaks ya mantongtong. No maminsan, ompan kaukolan mon iyuna so labay na kapamilyam nen say labay mo, pero sulit so pansakripisyom! (Fil 2:3, 4) Panon yon usaren ed sankaabigan so panaon yo legan kayon saniiba ya sankapamilya?—Efe 5:15, 16.

Sakey ya eksena ed video ya “Tumboken so Panangigiya Pian Niwalay Kareenan ed Pamilya—⁠Paaligwasen so Komunikasyon.” Saniban malikeliket ya mamangan so pamilya.

I-play so VIDEO ya Tumboken so Panangigiya Pian Niwalay Kareenan ed Pamilya—Paaligwasen so Komunikasyon. Insan itepet iraya:

Antoy nagawa ed komunikasyon na pamilya no aliwan balanse so panguusar da ed saray gadyet da?

Ebat
Anto ni naaralan yo nipaakar ed maong ya komunikasyon diad sayan video?

Ebat

Dengel kayon maong. (San 1:19) Mas mainomay ya ibaga na ananak so nalilikna da no ag-ira natatakot ya ompan pampasnokan ira na atateng da. Kanian gawa yoy anggaay nayarian yo ya mansiansian kalmado no walay ibagad sikayo na anak yo ya makapaaburido ed sikayo. (Pro 17:27) Imbes, dengel yon maong so ibabaga to. Talosan yoy iisipen tan nalilikna to pian nipaseguro yod sikato ya inaro yo tan natulongan yo.

8. Panag-aral na Kongregasyon ed Biblia

(30 min.) bt kap. 27 ¶19-22, kahon ed p. 212