HULYO 14-20

KAYAMANAN ED SALITA NA DIOS

1. Saray Makatulong ya Prinsipyo ed Pamabaleg na Ananak

(10 min.)

Iparaan yoy ananak yo ed saray subok tan irap ed bilay (Pro 22:3; w20.10 27 ¶7)

Ipasal la ra manlapud kiyanak da (Pro 22:6; w19.12 26 ¶17-19)

Ipanengneng yoy panangaro ed paraan na pandisiplina yod sikara (Pro 22:15; w15 11/15 5 ¶6)

Maar-aron uusaren na sakey ya ama so Biblia legan ton babangatan so anak ton bii. Nanengneng ed tablet na anak to so litrato na ebolusyon na too ya ibabangat dad eskuelaan.

2. Saray Espiritual a Kayamanan

(10 min.)

Pro 22:29—Panon tayon niyaplika iyan teksto ed saray kimey o asainmin tayod kongregasyon, tan anto ray magmaliw ya resulta? (w21.08 22 ¶11)

Ebat
Anto ran espiritual a kayamanan so labay yon inabang manlapud babasaen ed Biblia ed sayan simba?

Ebat

3. Panagbasa na Biblia

(4 min.) Pro 22:1-19 (th leksion 10)

MAGMALIW YA EPEKTIBO ED MINISTERYO

4. Pangigapo na Tongtongan

(3 min.) PANAGPULONG ED KAABUNGAN. (lmd leksion 5 punto 4)

5. Pangigapo na Tongtongan

(4 min.) IMPORMAL YA PANAGPULONG. Ipanengneng ed katongtong mo no panon ton naalmo ed jw.org iray impormasyon ya makatulong ed atateng. (lmd leksion 1 punto 4)

6. Paliwawa

(5 min.) ijwyp artikulo 100—Tema: Agko Tinumbok so Totontonen ed Abung Mi—Antoy Gawaen Ko? (th leksion 20)

BILAY NA KRISTIANO

7. Maanos, Balet Aliwan Konsintidor

(15 min.) Pantongtongan kaiba iray ondedengel.

Kaukolan ya mananos iray atateng legan dan papabalegen iray ananak da. Dapat dan ikday panaon iray ananak da tan ag-ira lanang ya manaapura. (De 6:6, 7) Pian naamtaan da no anton talagay walad puso na anak da, kaukolan ya tepetan da tan dengelen dan maong no antoy ibaga to. (Pro 20:5) Tan ompan kaukolan ya maminpiga da nin uliten so ibabaga rad anak da antis ton natalosan tan unoren itan.

Balet anggano maanos iray atateng, agto labay ya ibaga ya konsintien da la ray ananak da. Inikdan ira nen Jehova na autoridad ya mangibaga no antoy sarag tan agsarag ya gawaen na ananak da. Tan no ag-onunor iray ananak da, kaukolan da ran disiplinaen.—Pro 6:20; 23:13.

Basaen so Efeso 4:31. Insan itepet iya:

Akin et agdapat disiplinaen na atateng iray ananak da no ampetang ni ulo ra?

Ebat

Basaen so Galacia 6:7. Insan itepet iya:

Akin et importantin ibangat na atateng ed ananak da ya no manggawa ray aliwa et anien da lanlamang so aliwliwan resulta to?

Ebat

Sakey ya eksena ed video ya “ ‘Mananos Kayo, Itepel Yoy Balang Sakey Lapud Aro’’—Ananak Mo.” Maanos ya dedengelen nen Max so anak ton si Shai.

I-play so VIDEO NA DRAMATIZATION ya ‘Mananos Kayo, Itepel Yoy Balang Sakey Lapud Aro’—Ananak Mo. Insan itepet iya:

Antoy naaralan yo ed video?

Ebat

8. Panag-aral na Kongregasyon ed Biblia

(30 min.) lfb “Sulat na Mananguley ya Ulop,” introduksion ed seksion 1, tan leksion 1