NO PANON MON NASARAG SO STRESS
Kasin Nai-stress Ka?
“Amin tayo et nai-stress, balet siak, sobra lay stress ko. Aliwa labat ya lapud saksakey ya baleg a problema, noagta lapud nanduruman situasyon, saray negatibon liknaan, tan say abaybayag lan pangaasikasok ed asawak ya walay sakit to ed pisikal tan mental.”—Jill.a
“Tinaynan ak na asawak, kanian siak lan bukor so nampabaleg ed duaran anak ko. Mair-irap no bukbukor mon ateng. Sakey ni, anggapoy trabahok, tan anggapoy kuartak ya pampaapiger tan pamparehistro na luluganan ko. Agko la amtay gawaen ko. Grabe lay stress ko. Amtak ya mauges so manbikkel, kanian akikasi ak ed Dios ya paulyan to ak lan ompatey.”—Barry.
Singa si Jill tan Barry, kasin no maminsan et nai-stress ka lan maong? No on, komon ta makaligliwa tan makatulong ed sika iray ontumbok ya artikulo. Aralen ed sarayan artikulo iray kaslakan ya lapuan na stress, no antoy epekto na stress ed sikatayo, tan no antoy makatulong pian anggan panon et nasarag tayoy stress.
a Sinalatan iray ngaran.