Karunongan Pian Maliket so Bilay Mo
“Anggano naeermenan ak no nanenengneng ko ray mauges ya nagagawad mundo, singa saray guerra, kairapan, sakit, tan panag-abuso ed ugugaw, agak naeekalay pag-asa.”—RANI.a
Alikna nen Rani so tuan liket nen naamtaan to ya mangiiter na karunongan so makapanyarin-amin ya Dios, say Amalsa ed sikatayo. Legan mon babasaen iray onsublay ya artikulo, imanom no panon ya makatulong iray ibabangat to pian . . .
magmaliw ya maliket so pamilyam
maabig so relasyon mod arum
magmaliw kan kontento
natalosan mo no akin ya maniirap tan ompapatey tayo
nawalaan kay seguradon pag-asa ed arapen
nakabat moy Amalsa tan magmaliw ya kaarom
Naamtaan mo met ya aliwa labat ya pigpigaran totoo so iikdan na Amalsa na karunongan to, noagta diad amin ya manaanap ed satan.
a Sinalatan iray ngaran diad sayan magasin.