“Diad Kabkaabungan”

1. Dia ed saray kaabungan,

Manpulong itayo.

Diad balbaley, kaumaan,

Anap yoy karnero.

Say balita na Panarian,

Impa’mta nen Kristo.

Malaknab lan ipupulong

Na saray Kristiano.

2. Dia ed saray kaabungan,

Kisalbay ipa’mta.

Nilaban so ontawag ed

Ngaran nen Jehova.

Balet panoy itawag da

No agda met kabat?

Kanian diad kabkaabungan,

Ngaray Dios ibangat.

3. Sirin onla’d kaabungan,

Balitay ’pasabi.

Talinengen da o andi,

Totooy manpili.

Say importante nipulong,

Maglorian katuaan.

Tan diad pankabkaabungan,

Karneroy Dios wadtan.