Saray Makapakelaw a Kimey na Dios

1. O Dios, tua a kabkabat mo ak,

Say kadudukol, kababangon ko.

Kanonotan koy uusisaen mo,

Antam iray salitak,

saray kiwas ko.

Antam met nen siak so aporma,

Mismon pukel ko et agniyamot.

Anengneng mo, amin et akasulat.

Makapakelkelaw iray

kimkimey mo.

O alay abig na kakabatan mo,

Amtan maong ’ya na kamarerwak.

No bilunget man so manakbong ed siak,

Siansian espiritum naromog toak.

Iner so laen ko Jehova,

O Dios, kasin sikay nibatikan?

Pukdol, dayat man o kaaralmay Sheol,

Peteg ya anggapo so napanamotan.