KANSION 9
Si Jehova so Ari Tayo!
1. Idayew so Dios a Jehova,
saray tawen igloria day kimey to.
Kansionay Dios tayo, ikansioy dayew to.
Ibaga ti ray ginawa to.
(KORO)
Manliket so amin ya pinalsa na Dios.
Si Jehova’y manaari la!
Manliket so amin ya pinalsa na Dios.
Si Jehova’y manaari la!
2. Iyabawag ed kada bansa,
si Jehova’y Manangiliktar tayo.
Manepeg ed dayew ta manuuley la.
Ondakmomo ti ed trono to.
(KORO)
Manliket so amin ya pinalsa na Dios.
Si Jehova’y manaari la!
Manliket so amin ya pinalsa na Dios.
Si Jehova’y manaari la!
3. Impasen toy Jesus ed trono.
Say maptek ya uley to niletneg la.
Saray dios ya palso
ipaabeba to.
Dayewey Jehova’n Dios tayo.
(KORO)
Manliket so amin ya pinalsa na Dios.
Si Jehova’y manaari la!
Manliket so amin ya pinalsa na Dios.
Si Jehova’y manaari la!
(Nengnengen met so 1 Awa. 16:9; Sal. 68:20; 97:6, 7.)