‘Manayam Ak a Kaiba Iray Totoo’​—Nipawil so Dugan Panagdayew ed si Jehova

Samay pasingawey ya inter nen Jehova ed si propeta Ezequiel et miparan maong ed samay inter tod si apostol Juan. Wala ray importantin naaralan tayod saray detalye na saratan ya pasingawey ya makatulong pian awaten nen Jehova so panagdayew tayo tan nawalaan tayoy ideya ed no antoy kipapasen na bilay ed Paraiso diad uley na Panarian na Dios.