Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • w03 10/15 p. 3
  • Panagdesisyon Sakey ya Agnapaliisan ya Angat

Anggapoy available ya video ed pinilim.

Pasensya la, walay error na video.

  • Panagdesisyon Sakey ya Agnapaliisan ya Angat
  • Say Panag-bantayan Mangipapalapag na Panarian nen Jehova—2003
  • Miparan Topic
  • Ipanengneng so Pananisia—Manggaway Makabat a Desisyon!
    Say Panag-bantayan Mangipapalapag na Panarian nen Jehova (Panaralan)—2017
  • Manggawa na Saray Desisyon a Mamagalang ed Dios
    Say Panag-bantayan Mangipapalapag na Panarian nen Jehova​—2011
  • Introduksion
    Say Panag-bantayan Mangipapalapag na Panarian nen Jehova (Publiko)—2024
  • Manggaway Makabat Iran Desisyon
    Say Panag-bantayan Mangipapalapag na Panarian nen Jehova—2013
Mannengneng ni
Say Panag-bantayan Mangipapalapag na Panarian nen Jehova—2003
w03 10/15 p. 3

Panagdesisyon​—Sakey ya Agnapaliisan ya Angat

“ANGGAPO lay mas mairap, tan sirin et mas mabli nen say pakasarag a mandesisyon,” so aminsan ya inkuan nen Napoleon Bonaparte, a koma-19 a siglo ya emperador na Pransya. Nayarin onabobon kayo ed satan a parehon pamaakaran, lapud kaslakan a papablien na totoo so pakakontrol ed mismon bilay da. Ontan met, naaaralan da ya agaylan irap no maminsan so manggawa na saray desisyon.

Mainomay man odino mairap, agnapaliisan so manggawa na saray desisyon. Diad inagew-agew et nakaukolan tayoy mandesisyon. Kabangon tayo ed kabuasan, nepeg itayon mandesidi no anto so isulong tayo, no anto so pan-almusalan tayo, tan no panon ya arapen so dakerakel nin bengatla diad sanagew. Maslak ed sarayan desisyon so agtanto importante. Matalag tayo lan pannonotan ni itan. Matalag itayon agmakaugip no kasin makabat iratan odino andi.

Diad biek a dapag, malaknab so nalalanor ed arum a dedesisyonan. Nepeg a mandesidi so dakel a kalangweran ed mundo natan no antoran kalat so gegemtanen da. Nayarin desidien da no anton kurso so nakaukolan da tan no kaunongan kabayag itan. Diad saginonor, maslak ed sikara so mandesidi no kasin mangasawa odino miasawa ra odino mansiansia laran walad kasuloan. Saramay labay da lay mangasawa odino miasawa so nepeg a mandesidi: ‘Kasin matakken ak la odino wala ak la’d suston edad pian mangasawa odino miasawa? Anton klase na kapareha so labay ko, odino mas importante ni et anton klase na kapareha so nakaukolan ko?’ Say desisyon tayo nipaakar ed panagpili na kapareha so mangaapektan tuloy ed bilay tayo.

Diad saray bengatlan sankaimportantian et makana so panggawa na makabat iran desisyon, lapud say liket so mandependin tuloy ed panggawa tayo ed satan. Nayarin moriaen na arum a totoo a sarasarag da lay manggawa na ontan iran desisyon tan nayarin agda labay so patulongan. Kasin makabat itan? Nengnengen tayo.

[Picture Credit Line ed pahina 3]

Napoleon: Nanlapu ed libron The Pictorial History of the World

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share