Parad Saray Kalangweran

Walay Pananisia To ed Sipasipan na Dios

Saray Instruksion: Gawam iya ed pasen ya agka nadisturbo. Sano babasaen mo iray teksto, ipasen mon aktual kan wadman. Ilitratom ed nonot moy eksena. Kunwari et narerengel mo iray ibabaga ra. Liknam so nalilikna na saray manunan karakter.

TALOSAN A MAONG SO EKSENA.​—BASAEN SO GENESIS 12:1-4; 18:1-15; 21:1-5; 22:15-18.

Deskribien no anto kasi alikna nen Abraham sanen nadngel toy sipan na Dios a diad poli to manlapu so “ilalak” a pakabendisyonan na interon mundo.

․․․․․

Antoy isisipen mon itsura na saramay taloran bisita ya adeskribe ed Genesis 18:2?

․․․․․

Antoy singa nanenengneng mon eksena legan mon babasaen so Genesis 18:6-8? (Tandaan a si Abraham et ngalngali 100 taon la ed saman.)

․․․․․

ARALEN A MAONG.

Pigaran taon so linmabas manlapud samay impangisipan nen Jehova ed si Abraham na anak anggad samay inkianak nen Isaac? (Basaen lamet so Genesis 12:4 tan 21:5.)

․․․․․

Antoray imbaga nen Jehova ed si Abraham pian napaseguroan legan na panatalaran to? (Basaen so Genesis 12:7; 13:14-17; 15:1-5, 12-21; 17:1, 2, 7, 8, 15, 16.)

․․․․․

Antoy ginawa nen Jehova sanen singa manduaruway Abraham no kasin nawalaan ni anak? (Basaen lamet so Genesis 15:3-5, 12-21.)

․․․․․

Panon a kalkalnan impaamta nen Jehova iray detalye nipaakar ed samay “ilalak”?

․․․․․

IYAPLIKAM SO NAARALAN MO. ISULAT SO NAARALAN MO NIPAAKAR ED . . .

Kaimportantiay pananisia ed sipasipan na Dios.

․․․․․

No panon a kalkalnan impaamta nen Jehova so linawa to.

․․․․․

ANTOY AGUSGUSTOAN MO ED SAYAN SALAYSAY, TAN AKIN?

․․․․․