Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • wp19 No. 1 p. 4-5
  • Antoy Ngaran na Dios?

Anggapoy available ya video ed pinilim.

Pasensya la, walay error na video.

  • Antoy Ngaran na Dios?
  • Say Panag-bantayan Mangipapalapag na Panarian nen Jehova (Publiko)—2019
  • Subheading
  • Miparan Topic
  • NO AKIN YA IMPORTANTE SO NGARAN NA DIOS
  • NO ANTOY IPAPAAMTA NA SAYAN NGARAN
  • Ngaran na Dios
    Onliing!—2017
  • Igalang so Maglorian Ngaran nen Jehova
    Say Panag-bantayan Mangipapalapag na Panarian nen Jehova—2013
  • Ngaran na Dios​—Say Usar tan Labay ya Ibaga na Satan
    Anto so Peteg ya Ibabangat na Biblia?
  • Kasin Antam tan Uusaren Mo so Ngaran na Dios?
    Say Panag-bantayan Mangipapalapag na Panarian nen Jehova—2015
Mannengneng ni
Say Panag-bantayan Mangipapalapag na Panarian nen Jehova (Publiko)—2019
wp19 No. 1 p. 4-5

Antoy Ngaran na Dios?

No labay mon nakabat so sakey ya too, seguro say unonan itepet mo et “Antoy ngaran mo?” No itepet mo met itan ed Dios, anto kasi iyebat to?

“Siak si Jehova. Saya so ngaran ko.”​—Isaias 42:8.

Balo ed sika ’tan ya ngaran? Posible, ta say ngaran na Dios et mataltalag ya inusar na dakel ya managpatalos na Biblia, tan no maminsan ni ingen et agdan balot inusar. Maslak et sinalatan da itan na titulon “KATAWAN.” Pero diad tua, say ngaran na Dios et manga 7,000 beses ya nabasa ed interon Biblia diad orihinal ya lenguahe na satan. Sayan ngaran et apatiran letra ed Hebreo, ya diad alpabeto tayo et mipetekan ed YHWH odino JHVH, tan abayag lan ipapatalos ya “Jehova” ed Pangasinan.

Say ngaran na Dios ed Hebreo a walad Dead Sea Scrolls

Dead Sea Psalms Scroll First century C.E., HEBREO

Say ngaran na Dios ed English ya walad Biblian impatalos nen Tyndale

Patalos nen Tyndale 1530, ENGLISH

Say ngaran na Dios ed Spanish ya walad Reina-Valera version na Biblia

Reina-Valera version 1602, SPANISH

Say ngaran na Dios ed Chinese ya walad Union Version na Biblia

Union Version 1919, CHINESE

Say ngaran na Dios et walad saray Hebreon sulsulat tan ed dakel ya patalos

NO AKIN YA IMPORTANTE SO NGARAN NA DIOS

Sayan ngaran et importante ed Dios a mismo. Anggapo so angiter na ngaran na Dios; sikaton mismo so nampili na ngaran to. Imbaga nen Jehova: “Saya so ngaran ko ed andi-anggaan, tan saya so pakanodnonotan ed siak diad amin a henerasyon.” (Exodo 3:15) Diad Biblia, say ngaran na Dios et mas mabetbet ya nabasa nen say anggan anton titulo to ya singa say Makapanyarin-amin, Ama, Katawan, odino Dios, tan mas mabetbet met nen say arum ya ngaran a singa say Abraham, Moises, David, odino Jesus. Sakey ni, labay nen Jehova ya naamtaan na totoo so ngaran to. Ibabaga na Biblia: “Komon ta naamtaan na totoo a say ngaran mo et Jehova, a sika labat so Sankatagyan ed interon dalin.”—Salmo 83:18.

Sayan ngaran et importante ed si Jesus. Diad samay pikakasi ya tatawagen ya Ama Mi odino Pikakasi na Katawan, imbangat nen Jesus iray papatumbok to ya oniay ipikasi dad Dios: “Napasanto komon so ngaran mo.” (Mateo 6:9) Anggan si Jesus et impikasi tod Dios: “Ama, igloriam so ngaran mo.” (Juan 12:28) Manuna ed bilay nen Jesus so pangigloria ed ngaran na Dios, kanian oniay impikasi to: “Impakabat kod sikara so ngaran mo tan ipakabat ko itan.”—Juan 17:26.

Sayan ngaran et importante ed saramay kabat day Dios. Amta na saray totoo na Dios nensaman ya say proteksion tan kiliktar da et mikonektaan ed espisyal ya ngaran na Dios. “Say ngaran nen Jehova et sakey a mabiskeg a tori. Ditan ombabatik so matunong tan naproprotektaan.” (Proverbio 18:10) “Balang sakey ya ontatawag ed ngaran nen Jehova et niliktar.” (Joel 2:32) Ipapanengneng na Biblia ya saray manlilingkor ed Dios et nabidbir ira lapud ngaran to. “Ta manakar so amin a totoo ed ngaran na dios da, balet manakar itayo ed ngaran nen Jehova a Dios tayo ed anggad angga.”—Miqueas 4:5; Gawa 15:14.

NO ANTOY IPAPAAMTA NA SAYAN NGARAN

Sayan ngaran labat so makapangipabidbir ed Dios. Ibabaga na dakel ya scholar na Biblia ya say kabaliksan na ngaran ya Jehova et “Pagmamaliwen To.” Impaamta nen Jehova a Dios so kabaliksan na ngaran to nen oniay impandeskribe tod sarili to nen katongtong toy Moises: “Magmaliw Ak No Antoy Pilien Kon Pagmaliwan.” (Exodo 3:14) Aglabat sirin ipapaamta na ngaran na Dios ya sikato so Amalsa ed amin a bengatla. Ipapanengneng met na ngaran to so abilidad to ya sarag ton pagmaliwen so sarili to, odino saray pinalsa to, ed antokaman a nakaukolan pian nasumpal so gagala to. Anggaman wala ray titulo na Dios ya mandeskribe ed posisyon, autoridad, odino pakayari to, say ngaran to labat ya Jehova so makapangipabidbir ed inka-Dios to tan no anto ray sarag ton pagmaliwan.

Ipapaamta na sayan ngaran ya interesado so Dios ed sikatayo. Nanengneng tayod kabaliksan na ngaran na Dios ya tuloytuloy ton aasikasoen iray pinalsa to, kaiba itayo. Sakey ni, labay na Dios ya sikatoy nakabat tayo ta impaamta toy ngaran to ed sikatayo. Diad tua, abayag to lan impaamta so ngaran to antis tayo nin itepet itan. Malinew sirin ya aglabay na Dios ya isipen tayon sikatoy sakey ya misteryo tan arawrawi. Imbes, labay ton naamtaan tayo ya sikatoy talagan wala tan sarag tayoy makaasingger ed sikato.—Salmo 73:28.

No uusaren tayoy ngaran na Dios, ipapanengneng tayo ya sikatoy labay tayon nakaaro. Alimbawa, nayarin imbagam ed sakey ya labay mon nakaaro ya tawagen to ka lad ngaran mo. Panon to balet no agto ka labay ya tawagen ed ngaran mo? Ompan isipen mo ya agto kan talaga labay ya nakaaro. Ontan met ed Dios. Impaamta la nen Jehova so ngaran to ed totoo, tan imbaga to ya usaren tayo itan. No usaren tayoy ngaran na Dios, ipapanengneng tayod si Jehova ya labay tayon nakaaro. Diad tua, “saramay mandadalepdep [odino, “mamapabli,” paimanod leksab] ed ngaran to” et iimanoen to!​—Malaquias 3:16.

Say unonan gawaen pian nakabat tayo so Dios et amtaen so ngaran to. Balet aliwan satan labat. Kaukolan tayo met ya amtaen no anto ray kualidad to.

ANTOY NGARAN NA DIOS? Say ngaran na Dios et Jehova. Sayan ngaran labat so makapangipabidbir ed inka-Dios to, ya sarag ton sumpalen so gagala to

KASIN WALAY NANGGAWA ED DIOS?

Ontan so tepet na dakel a totoo. Ompan sika met. Nayarin oniay iisipen mo: No walay nanggawa ed uniberso tan ed amin ya bengatla, kasin wala met so nanggawa ed Dios?

Manisia so dakel ya scientist ya say pisikal ya uniberso et walay gapoan to. Mipara itan ed ibabaga na unonan bersikulo na Biblia: “Diad gapo et pinalsa na Dios so tawen tan say dalin.”—Genesis 1:1.

Say pisikal ya uniberso et aglinmesan bukor; imposiblin niwala itan manlapud anggapo. Agnayari ya walay niwala manlapud anggapo. No anggapoy akauna antis ya ginmapo so uniberso, anggapo natan so uniberso. Anggaman singa mairap iyan talosan, kaukolan ya wala lay sakey ya akauna tan biig ed pisikal ya uniberso ya mamawala ed uniberso. Anggapoy arum ya amawala ed satan noagta si Jehova a Dios, sakey ya espiritun persona ya marunong tan anggapoy anggaan na pakapanyari to.—Juan 4:24.

Oniay ibabaga na Biblia nipaakar ed Dios: “Antis a niyanak iray palandey odino antis mo nin pinawala so dalin tan say mundo, manlapud andi-anggaan ya anggad andi-anggaan, sika so Dios.” (Salmo 90:2) Kanian, sipor lan walay Dios. Insan “diad gapo,” ginawa to so pisikal ya uniberso.—Apocalipsis 4:11.

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share