Pinasimplin Panamasimbalo ed Subskripsion

Anggad natan, saray mansusubskribe na Say Panag-Bantayan tan Awake! so makakaawat na duaran paimano a manpaso laray subskripsion da. Say pilimero et say aka-imprinta la, Expiring Subscription slip, ya ibunog ed saray mansusubskribe panamegley na kongregasyon..

Say komaduan paimano et say “subscription renewal form” ya akasigpit ed balkot na magasin a direktan nipatulor ed mansusubskribe. Onggapo ed saray paway na Hunyo 1 tan Hunyo 8 ed sayan tayon, saray mansusubskribe ed niimprinta iran magasin so agla makaawat na “subscription renewal form” ya akasigpit ed magasin. Imbes, akatatak la ed balkot na subskripsion so paimano ed panpaso.

Say akatatak a paimano ed balkot na magasin so mangipanonot a say subskripsion so magano lan manpaso. No nanengneng yo so akatatak a paimano balet ta agyo ni naawat so Expiring Subscription slip, ipangasin tuplegen so agi a mangaasikaso ed saray subskripsion ed kongregasyon yo. Nepeg ya isubmitin naynay iray panamasimbalo ed subskripsion panamegley na kongregasyon.

Parad saray apan-subskribe ed lawak, say manunan paraan na pangipaimano et say aka-imprinta lan Expiring Subscription slip a nipawit panamegley na kongregasyon. No sinmabi la irayan porma ed kongregasyon, nepeg ya iter a tampol iratan ed saray manangipalapag ya akapan-pasubskribe. Lapud agla makaawat iray mansusubskribe na “renewal form” ya akasigpit ed magasin, importanti a komustaen tayo itan ed sarayan interesado tan pasesegen iran pasimbaloen da iray subskripsion da.​—Nengnengen so Ministeryo Tayo ed Panarian, Nobyembre 1988, pahina 4, tan Pebrero 1986, pahina 4.

Sarayan nipanpanaon a palapagan so mantultuloy a mangisindag na espiritual a liwawa ed abilungetan a mundo. Maseguro kamin mitulongan so amin ed sayan balon uksoyan ta pian amin a mansusubskribe ed Say Panag-Bantayan tan Awake! so agmakasaew ed sakey a paway.