No Anto so Ibaga Nipaakar ed Saray Magasin

Say Panag-bantayan Nob. 15

“Nadngel tayo la iray balikas a singa say ‘mangisasalba si Jesus’ odino ‘inatey si Jesus nisengeg ed sikatayo.’ [Aonen so Juan 3:16.] Kasin naumameng yo la no panon a say impatey na sakey a too so makapangisalba ed sikatayon amin? [Abuloyan ya onebat.] Say Biblia so mangiiter na simplin ebat. Sayan artikulon, ‘ Mangisasalba si Jesus ​—Panon?,’ so mangipapalinew ed satan.”

Awake! Nob. 22

“Kasin gagawaen na totoo so anggaay nayarian da pian salimbengan so kaliberliber? [Abuloyan ya onebat.] Panumamengan na dakel no kasin say bilay diad dalin et mansiansia lawas. Maong ta interesadon tuloy so Dios ed saya. [Basaen so Nehemias 9:6.] Sisingbaten na Awake! no anton arapen so itatarya parad bilay ed dalin.”

Say Panag-bantayan Dis. 1

“Diad sayan tiempo na taon et dakel a totoo so okupadon tuloy ed paniiteran na regalo tan arum niran maabig a gawa. Satan so mangipanonot ed sikatayo ed Binmalitok a Ganggan [Basaen so Mateo 7:12.] Diad padesir yo posibli kasi so pambilay unong ed satan a ganggan ed interon taon? [Abuloyan ya onebat.] Sayan magasin so mangitatarya na dakel a pakaaralan nipaakar ed ‘Say Binmalitok a Ganggan​—Praktikal Ni Kasi?’”

Awake! Dis. 8

“Isisipan na Biblia a nasabi panaon et anggapo lay mangibaga na, ‘Mabeblay ak.’ [Basaen so Isaias 33:24.] Mitukoyan ed satan a sipan, sayan paway na Awake! so manisingbat ed sakit a mamapairap ed minilyon a totoo, ugaw man odino maedad la. Apauloan na ‘Hope for Athritis Sufferers.’ Maseguro ak a dakel so naaralan yo ed sarayan artikulo.”