No Anto so Ibaga Nipaakar ed Saray Magasin

Say Panag-bantayan Nob. 15

“Panuumamengan na arum no kasin kaukolan tayo iray simbaan tan templo diad pandayew ed Dios. Antoy padesir yo? [Abuloyan ya onebat.] Imanoen pa no antoy ibabaga na Biblia ed sayan tema. [Basaen so Gawa 17:24.] Anto sirin so kanaan na saray pasen na panagdayewan? Wadia’d sayan magasin so Makasulatan ya ebat ed satan a tepet.”

Awake! Nob. 22

“Isipen mo kasi a nasabi panaon et panganggaen na siensia so sakit? [Abuloyan ya onebat.] Sayan isyu na Awake! so manguusisa ed pigaran iyaaligwas ed siensia. Ipapanengneng met na satan no akin a say Manamalsa lambengat so walaan na pakapanyarin mangekal ed sakit tan ipapatey.” Basaen so Salmo 146:3-5, insan iyopresi iray magasin.

Say Panag-bantayan Dis. 1

“Diad sarayan panaon, ngalngalin amin so walaan na problema ed ekonomya. Ontan met ed saray relihyon, tan lalon kapilitan so ikerew parad pundo. Kasin naimanom a makapaaburido itan? [Abuloyan ya onebat. Insan basaen so 1 Tesalonica 2:9.] Sisingbaten na Say Panag-Bantayan so ibabaga na Biblia nipaakar ed saya.”

Awake! Dis. 8

“Lapud saray sesga ed terorismo, panumamengan na dakel no kasin maligen so ilugan ed eroplano. Kasin kapapagaan mo iya? [Abuloyan ya onebat.] Bibidbiren na Biblia ya anggapoy nipuera ed makapuy a pansumpalan. [Basaen so Eclesiastes 9:11.] Balet, sisingbaten na sayan isyu na Awake! no panon kan magmaliw a lalon maligen tan komportable sano onlugan ka ed eroplano.”