No Anto so Ibaga Nipaakar ed Saray Magasin

Say Panag-bantayan Hun. 15

“Diad padesir yo, posible kasi so panliket anggaman ed saray kipapaarapan tayon problema? [Abuloyan ya onebat.] Ipapaimano na sayan magasin so sakey a lapuan na giya ya ontulong ed sikatayon natalonaan iray kairapan ed bilay. Sisingbaten met na saya so makapabiskeg ya epekto na peteg ya ilalo.” Basaen so Apocalipsis 21:3, 4.

Awake! Hun.

“Agta mipakna kayo ya ipapabitar na saray kalamidad ya agawa ed agano ni ya importante so pangimano ed saray pasakbay? [Abuloyan ya onebat.] Sisingbaten na sayan artikulo iray leksion a naaralan na saramay akaliktar ed Bagyon Katrina. Sasalambiten met na saya so sakey a pasakbay a nepeg tayon talinengen ya amin natan.” Iparungtal so artikulo ya onggapo ed pahina 14.

Say Panag-bantayan Hul. 1

“Diad sayan mundo a pinasya so gonigon, itetepet na dakel a totoo: ‘Akin a dakdakel so problema ed bilay? No walay Dios, akin et agto onkiwas pian naandi iray paniirap?’ Inumameng yo met la kasi itan? [Abuloyan ya onebat.] Itatarya na sayan magasin iray maliwliwawan ebat ed saratan a tepet.” Basaen so 2 Timoteo 3:16.

Awake! Hul.

“Natan et ondarakel lan ondarakel so panamaley a napoproblema. Diad padesir yo, natulongan kasi iray sanasawa sano iyaplika ra iyan impuyan a simbawa? [Basaen so Efeso 4:32. Insan abuloyan ya onebat.] Sisingbaten na sayan isyu na Awake! iray apaneknekan lan epektibon prinsipyo na Biblia ya ontulong ed sikatayon nawalaan na maliket a panamaley.”