No Anto so Ibaga Nipaakar ed Saray Magasin

Say Panag-bantayan Hul. 15

“Say impatey na saray inadaro tayo ed bilay so pansengegay pirmin ot-ot. Diad padesir yo, wala kasi kabiangan na inaatey a mantultuloy a manbilay? [Abuloyan ya onebat.] Oniay makapaseseg ya insipan nen Jesus. [Basaen so Juan 5:28, 29.] Lapud inkuan nen Jesus a walay “onsabi” a kikioli ed bilay, ipapaliwawa na sayan magasin no anto so ibabaga na Biblia a kawalaan na saray inaatey natan.”

Awake! Hul.

“Panggugunaetan na dakel a totoo so mankalakal tan ipapasen dan importante so pagmaliw a maong a too. Kasin ontan so panmoria yo ed bilay? [Abuloyan ya onebat.] Imanoen pa so peligro no say panmoria tayo ed no anto so maong et midumaan ed panmoria na Dios. [Basaen so Uliran 14:12.] Sisingbaten na sayan artikulo no anto so panmoria na Dios nipaakar ed pagmaliw a maong a too.” Iparungtal so artikulo ed pahina 20.

Say Panag-bantayan Ago. 1

“Labay ko pan alaen so opinyon yo ed sayay imbaga nen Jesus. [Basaen so Mateo 5:3.] Parad sikayo, kasin importante so espiritualidad ed pagmaliw a maliket? [Abuloyan ya onebat.] Ipapanengneng na sayan magasin no anto so ibabaga na Biblia nipaakar ed tuan espiritualidad tan no panon a nawalaan na ontan.”

Awake! Ago.

“Diad padesir yo iner kasi so pakalaan na saray atateng na simbawa a talagan ontulong ed sikara? [Abuloyan ya onebat.] Imanoen pa iyan insipan na Biblia. [Basaen so 2 Timoteo 3:16.] Sayan magasin so mangipapaliwawa ed inkapraktikal na Biblia a manulong ed atateng a mamabaleg na maliket ya ananak.”