Napalaknab Yo ni Kasi Serbisyo Yo?
1. Antoy kakkaukolan natan ed ministeryo, tan akin?
1 Lapud naimano nen Jesus a dakel so interesado ed maong a balita na Panarian, binilin to iray babangatan to a ‘mikasi ed Katawan na panag-ani, a mangibaki na saray manani ed aanien to.’ (Mat. 9:37, 38) Lapud wala tayo la’d unor iran oras na panagani, mas apuraan natan so kimey tayo. Kanian nepeg a nodnonoten tan ipikasi tayo no panon tayon makapibiang a nagkalalo ed ministeryo.—Juan 14:13, 14.
2. Panoy inkiwas na arum ed imbitasyon parad dakel nin komikimey ed lawak?
2 Palaknaben so Serbisyo: Diad tulong tan panangiwanwan nen Jehova, dakel so akaromog na paraan pian makapanpayunir. (Sal. 26:2, 3; Fil. 4:6) Say arum et talagan nansagpot pian makapan-auxiliary payunir a sakey bulan odino onsulok ni. Lapud saya et apalaknab da so ministeryo ra tan alikna ra so liket na pibiang ed sayan pribilehyo, kanian dakel so nannodnonot a manregular payunir.—Gawa 20:35.
3. No dati et nanregular payunir ka, anto natan so nayarin labay mon ikonsidera?
3 Kasin Makapanpayunir Ka Lamet?: No dati et nanregular payunir ka, seguradon nanliketan mo itan. Kasin masimoon mo lan ninodnonot so pakapanpayunir lamet? Nayarin anggapo la natan iramay rason a sengeg na intundam. Nayarin iyabuloy la natan na kipapasen mo so pakapanpayunir lamet.—1 Juan 5:14, 15.
4. Anton nikadkaduman kimey so akalukas ed sikatayon amin?
4 Sambotan so panaganin kimey natan tan magano lan nasumpal. (Juan 4:35, 36) Komon ta aralen na balang sakey ed sikatayo so kipapasen to natan, pian naamtaan no antoray gawaen ton pananguman pian napalaknab toy pibiang ed ministeryo. No bilang ta talagan anggapoy nagawaan tayo pian napalaknab so serbisyo tayo, kasin walaray nagawaan tayon paraan pian magmaliw a mas epektibo? (Mar. 12:41-44) Talagan baleg a pribilehyo so akalukas ed amin na saramay iyabuloy na kipapasen da a nausar ira nen Jehova ed sayan nikadkaduman kimey!—Sal. 110:3.