No Antoy Ibaga Nipaakar ed Saray Magasin

The Watchtower Agosto 1

“Parad sika, antoy nakaukolan na too pian magmaliw a maliket? [Abuloyan ya onebat. Insan ibasa so Mateo 5:3.] Sakey labat iya ed saramay imbaga nen Jesus nipaakar ed liket. Nabasa ed sayan artikulo iray bengatlan naaralan tayo‘d si Jesus nipaakar ed no panon a nagamoray tuan liket.” Ipanengneng so artikulon onggapo ed pahina 16.

Awake! Agosto

“Dakel ed saray pelikula natan et nipaakar ed demonyo, manananem, tan magic. Parad sika, tua kasi a walay demonyo? [Abuloyan ya onebat. Tan ibasa so 1 Corinto 10:20.] Nabasa ed sayan artikulo no antoy ibabaga na Biblia nipaakar ed saray demonyo tan no panon tayon naprotektaay sarili tayo ed impluensya ra.” Ipanengneng so artikulon onggapo ed pahina 20.

The Watchtower Setyembre 1

Komentoan so sakey a balitan pampapagaan na totoo ed lugar yo. Insan ibagan: “Naisip mo ta la no akin a manggagaway mauges so totoo? [Abuloyan ya onebat.] Mangiiter so Biblia na rason pian mansiansia itayon positibo. [Basaen so 2 Pedro 3:13.] Ipapanengneng na sayan magasin no antoy ibabaga na Biblia nipaakar ed sengegan na kaugsan tan no antoy gawaen na Dios pian naandi la itan.”

Awake! Setyembre

“Parad sika, kasin makakatulong so cell phone, e-mail, chat room, tan arum nin paraan na komunikasyon pian nabawasay paneermen na totoo, odino mamapaloor laingen iratan ed ermen? [Abuloyan ya onebat.] Nia so sakey a paraan pian nalabanan tayoy ermen. [Basaen so Gawa 20:35.] Diad sayan magasin et wala niray nabasa yon arum a praktikal a bilin a walad Biblia.”