Pangaligan Iran Presentasyon

Pangigapoy Panangiyaral na Biblia ed Unonan Sabado na Abril

“Ibabaga na arum ya mairap kunon talosan so Biblia. Antoy nibaga yo ey? [Abuloyan ya onebat.] Nengneng yo pa yay ibabaga to dia ay.” Ipanengneng so beneg na Abril 1 ya Watchtower, tan pantongtongan so unonan tepet tan anggan sakey ya teksto. Iyopresi iray magasin, tan iyuksoy so ipawil pian pantongtongan so onsublay a tepet.

Say Panag-Bantayan Abril 1

“Amin tayo et walay problema. Kanian nononoten na arum no antoy gagala na bilay. Parad sika, akin kasi et dakel so agmaliket natan? [Abuloyan ya onebat.] Isisipan na Biblia ya asingger lan ekalen na Dios so amin ya problema tayo. [Basaen so Apocalipsis 21:4.] Ipaliwawa na sayan magasin no antoy nagawad arapen tan no panon tayon nawalaay maliket ya bilay anggan natan.”

Onliing! Abril-Hunyo

“Seguro miabobon kayon mairap natan so manpamilya. [Abuloyan ya onebat.] Dakel ya ateng so akalmoy maong ya simbawa ed Biblia. Singa bilang, akatulong iyan bersikulo ed saray ama pian nodnonoten no panon dan nirayew iray anak da diad ontan et ag-ira naekalay talek ed sarili. [Basaen so Colosas 3:21.] Diad sayan magasin et walay limaran prinsipyo ya makatulong ed saray ama.”