Watchtower ONLINE YA LIBRARYA

ONLINE YA LIBRARYA

mwb16 Abril p. 3
Pasesegen tan Pabiskegen so Arum Panamegley na Maaron Salita

Ministeryo tan Bilay na Kristiano—Workbook ed Aral—2016

mwb16 Abril p. 3

KAYAMANAN ED SALITA NA DIOS | JOB 16-20

Pasesegen tan Pabiskegen so Arum Panamegley na Maaron Salita

Saray salita na sakey a mananimbawa et nepeg ya makapabiskeg

Agonigon tan maer-ermen si Job kanian kaukolan toy suporta tan panamaseseg
Anggapoy imbaga na kakaaro nen Job ya makaligliwa ed sikato. Imbes, inakusaan da tan inaruman day kapagaan to

Agonigon si Job lapud makapasakit iran salita nen Bildad

Kinerew nen Job ed Dios ya sikatoy nainawaan—ya anggan ompatey ni ingen
Sankanonot nen Job so ilalon kioli tan nantultuloy ya nansungdo tan nanmatoor

Mitotongtong si Elifaz ed si Job legan ya akanengneng si Bildad tan Zofar

SARAY MANGAAKUSA ED SI JOB

Elifaz:

Posiblin nanlapud Teman diad dalin na Edom. Nanengneng ed Jeremias 49:7 ya say Teman et sentro na karunongan na saray Edomita
Mapatnag ya sikato so sankatatkenan tan sankamaimpluensyaan ed saray “managligliwa,” kanian sikato so unonan nansalita. Amitlon nansalita tan mas andukey so imbaga to nen say duaran kaiba to

Saray palson akusasyon to:

Kinuestion toy integridad nen Job tan imbaga ton anggapoy talek na Dios ed saray lingkor to (Job 4, 5)
Tinawag toy Job ya mapalakbat tan mauges tan imbaga ton anggapoy takot nen Job ed Dios (Job 15)
Inakusaan toy Job ya maagum tan andiay hustisya tan pinapaway ton anggapoy kana na too ed Dios (Job 22)

Bildad:

Nanlapud kailalakan nen Suah. Nayarin nanayam diad lugar ya kawalaay Ilog Eufrates
Sikato so komaduan nansalita. Amitlon nansalita tan mas antikey so imbaga to balet mas ansakit nen say imbaga nen Elifaz

Saray palson akusasyon to:

Pinapaway ton nankasalanan iray anak nen Job tan kanepegan day sinmabin trahedya ed sikara tan pinapaway ton mauges si Job (Job 8)
Pinapaway ton manggagaway mauges si Job (Job 18)
Impasen ton andi-kakanaan so integridad na too (Job 25)

Zofar:

Sakey a Naamatita, ya posiblin nanlapud amianen-sagur na Arabia
Sikato so komatlon nansalita tan diad sikaran talo et sankasakitan so imbaga to. Amidua labat ya nansalita

Saray palson akusasyon to:

Inakusaan toy Job ya andi-kakanaan so ibabaga to (Job 11)
Impasen ton mauges si Job tan panliliketan toy kasalanan (Job 20)